သင်တစ်ယောက်တည်းနေထိုင်ရချိန် ကျန်းမာရေး ဂရုစိုက်နည်း (၁၀) နည်း

ယနေ့ခေတ်အခါတွင် အကြောင်းအမျိုးမျိုးကြောင့် တစ်ယောက်တည်း နေထိုင်လုပ်ကိုင်ရသူများရှိလာပါသည်
သတိထားရန်မှာ တစ်ဦးတည်း ဖြစ်၍ ကျန်းမာရေး ထိခိုက်နိုင်ချေ ပိုများပါသည်
တစ်ဦးတစ်ယောက်တည်းနေထိုင်ရသူများကျန်းမာစေရေးအတွက် သတိပြုရန် အချက် (၁၀)ချက်ကို ဒေါက်တာဇီဝကမှ မေတ္တာဖြင့် ဝေမျှလိုက်ပါသည်

(၁) နေ့စဥ် ဘဝကို အချိန်မှန်အောင် ဂရုစိုက်ပါ
အိပ်ချိန် စားချိန် ကိုယ်လက်လှုပ်ရှားချိန် တစ်ကိုယ်ရေသန့်ရှင်းချိန် အလုပ်ချိန် မျှတအောင် ဇယားဆွဲဆောင်ရွက်ပါ
(၂) အားလပ်ချိန်များကို အကျိုးရှိအောင်ဆောင်ရွက်ပါ အရက်သေစာသောက်စားခြင်း မူးယစ်ဆေးဝါးသုံးစွဲခြင်း အပျော်အပါးလိုက်စားခြင်း အလွန်အကျွံ လောင်းကစားခြင်း ရှောင်ပါ
(၃) ကျန်းမာရေးကိစ္စများအပါအဝင် အရေးပေါ် ကိစ္စရပ်များအတွက် ဆက်သွယ်ရန် တိုင်ပင်ရန် ဖုန်းနံပါတ်များ အလွယ်ရှိပါစေ လုပ်ဆောင်ရန် အစီအစဥ်ဆွဲထားပါ
(၄) ကလေးငယ်များ သက်ကြီးရွယ်အိုများ ရောဂါဝေဒနာ ရှိသူများမှာ တစ်ယောက်တည်း မနေထိုင်သင့်ပါ
(၅) ဝေဒနာ ခံစားရပါက တစ်ယောက်တည်း ကြိတ်မှိတ်မနေပဲ ဆရာဝန်နှင့်ပြသပါ ချစ်ခင်ရသူများကိုလည်း အကျိုးအကြောင်း ပြောပြပါ
(၆) အသင့်စား အလွယ်သောက် အစားအသောက်များ ရေရှည်စားသုံးမှု များပြားပါက ကျန်းမာရေး ထိခိုက်စေနိုင်ကြောင်း သတိပြုပါ
(၇) မိဘဆွေမျိုးများ သူငယ်ချင်းများနှင့် မကြာခဏ ဆက်သွယ် ပြောဆိုပါ အကြာကြီး အဆက်အသွယ် မပြတ်ပါစေနှင့်
(၈) နေထိုင်ကောင်းနေစေကာမူ အနည်းဆုံး တစ်နှစ်တစ်ကြိမ် ကျန်းမာရေး စစ်ဆေးပါ
(၉) လမ်းလျှောက်၍ဖြစ်စေ ယာဥ်အသုံးပြု၍ ဖြစ်စေ လမ်းအသုံးပြုရာတွင် ဘေးအန္တရာယ် ကင်းရှင်းစေရေး သတိပြုပါ
(၁၀)ရာသီဥတုနှင့် မိုးလေဝသ ပြောင်းလဲမှုများကို သတိပြုပြီး လိုက်လျောညီထွေအောင် နေထိုင် ဝတ်စားပါ
စာဖတ်သူများအားလုံး ကျန်းမာချမ်းသာကြပါစေ